المساعد الشخصي الرقمي

مشاهدة النسخة كاملة : كل ما ذعذع


الحب خالد
25-10-2010, 09:35 PM
http://up101.9ory.com/u/10/06/18/11/57559564550.gif



كل ماذعذع علي صلف الهوى حدرية
يكفخ فوادي بصدري قبل يكفخ ثوبي


خص لاجا باردٍ ومذعذعٍ عصرية
يجمع اللي به من الذكرى وياتي صوبي


قبل يلعب بي وانا قد ريت في مارية
ضايقٍ من صبح والهاجوس دوبه دوبي


والله ان كنه يداوي الجرح بالشبريه
والجوارح من هواه الصلف ماصدوبي


لاذكرت اللي رحل وعيونه الدرية
كل مالديت فيها تهت لا لدوبي


تمطر عيوني وخفاقي سرا ساريه
ينعصر وانا دموعي للوفا عذروبي


صمت عن وصل المحبة لانها عذرية
والردى ماهوب من طبعي ولا بسلوبي


اذكر انه قال لي مرة وش الحرية
قلت عكس اللي لقيته منك يامحبوبي


اهتوي طاري هله من حبي لطاريه
والدروب اللي تجنبهم ماهي بدروبي


متعبٍ رجلي ولو هي صوبهم عبرية
وابني امالي على الترحيب لاهلوا بي


اثرهم ناويني بالنيّه الشريّه
واثرهم دارين وانا اقول ماشكو بي


واثرني ضايع واصدق قصة الحورية
وش ينجيهم من اثامي اذا قفوا بي


جزت مادام الهوى يبغي عصا سحرية
وتبت مادام القدر عيا على مطلوبي


قد همومي وين ألاقي الصيد في البرية
وقومةٍ في وجه ضيفي واعرف ماجوبي


اصغر اهدافي تزول الدولة العبرية
واكبر امالي يغفر الله جميع اذنووبي

أختصرني يازمن
25-10-2010, 09:51 PM
اذكر انه قال لي مرة وش الحرية
قلت عكس اللي لقيته منك يامحبوبي





ذووووق رفيع وانتقاء فظيع

اعشق قصائد بن فطيس بصراحه وكنت من اكثر المؤيدين لانتصاره في سباق المليون قبل سنوات

لك تحياتي بحجم روعتك

الحب خالد
25-10-2010, 11:01 PM
اروعه هومرورك ودمت لنا الحب خالد

الصقر99
25-10-2010, 11:12 PM
قد همومي وين ألاقي الصيد في البرية
وقومةٍ في وجه ضيفي واعرف ماجوبي

اصغر اهدافي تزول الدولة العبرية
واكبر امالي يغفر الله جميع اذنووبي
ابن فطيس غني عن التعريف وبيض الله وجهك يالحب الخالد على روعة اختيارك

الحب خالد
26-10-2010, 12:20 AM
اخوي الصقر مشكرر على مرورك ارايع ودمت لنا الحب خالد

نبض قلبي
26-10-2010, 12:27 AM
روووعة الحب خالد
كلماات رااقيه ولحن فصيح عزفت لنا
دمت ودام نبض قلمك
أرق تحيااتي

الحب خالد
26-10-2010, 07:12 PM
اروع انتي نبض قلبي دمتي دومن نبض قلبي

سميتك غلاي
19-06-2012, 01:03 AM
كنت هنآآ
قرأت .. فقررت الخروج بصمت
آمام روعة مآ نقله قلمك هنآ
دمتِ بخير00